Fondi i Sigurimit Shëndetësor lëshon dy dokumente për nevojat e palëve:
1. Trajtimi Mjekësor Jashtë Institucioneve Shëndetësore Publike (TMJIShP)
Për të realizuar të drejtën për trajtim mjekësor jashtë institucioneve shëndetësore publike, pala duhet të dorëzojë dokumentacionin përkatës në Fondin e Sigurimit Shëndetësor dhe të plotësojë aplikacionin e nevojshëm.
Qytetarët e Republikës së Kosovës, të cilët aplikojnë për përfitimin e përkrahjes financiare nga ky program dhe nuk janë të kënaqur me vendimin e Bordit Ekzekutiv për TMJIShP, kanë të drejtë të parashtrojnë ankesë kundër vendimit.
Kjo procedurë është e rregulluar me Udhëzimin Administrativ (MSh) nr. 03/2023 për Trajtimin Mjekësor Jashtë Institucioneve Shëndetësore Publike. Konkretisht, paragrafi 1 i nenit 11 përcakton:
“Kundër vendimit të Bordit për TMJIShP, pala ka të drejtë të parashtrojë ankesë brenda afatit prej tridhjetë (30) ditësh nga data e pranimit të njoftimit, sipas ligjit përkatës për Procedurën e Përgjithshme Administrative.”
Dokumentacioni i nevojshëm për aplikim:
• Dokumentacioni i kërkuar për aplikim
• Formulari për aplikim për trajtim mjekësor
• Udhëzimi Administrativ nr. 03/2023 për TMJIShP
2. Dëshmia lidhur me statusin e Sigurimit Shëndetësor
Fondi i Sigurimit Shëndetësor lëshon këtë dëshmi brenda ditës, pasi pala të ketë dorëzuar në Fond një kopje të pasaportës së saj.